In nomine Verbi incarnati. Ego Heldricus dono Deo et ad locum Cluniacum de rebus meis aliquid, pro remedio Rotrudis uxoris meę, in pago Maticensi, in villa Bugdo, hoc est campum unum qui terminatur a mane via publica, a medio die et a sero et circio terra Sancti Petri. Et dono in ipso loco alium campum qui terminatur a mane et a circio terra Sancti Petri, a medio die terra Dolendi, a sero Rocca. Infra id terminium, totum vobis dono, a die presenti, ut faciatis quicquid volueritis. S. Heldrici, qui fieri et firmare rogavit. S. Stephani. S. Ramnaldi. S. Hyldini. Actum Geloniaci villa publice, regnante Rotberto. Aldebaldus scripsit.