In nomine Verbi incarnati. Noverint omnes fideles, quod ego Constantinus, pro remedio animę meę, dono Deo et sanctis apostolis Petro et Paulo et ad locum Cluniacum, res meas quę sunt sitę in pago Maticensi, in villa Colonias, curtilum indominicatum, et quantum in ipsa villa habeo, id est vineas, campos, prata, quęsitum et ad inquirendum, totum ad integrum. Et dono in villa Cotta fraternitatem meam in campis et silvis, totam meam partem. Facio autem hanc donationem, ut mihi omnibus diebus melius sit, et me sustineant si opus fuerit, et in locum sepulturę, ut quamdiu vixero teneam, ac post meum discessum ad Cluniacum perveniat. Actum Lordoni publice. S. Constantini, Tedaldi, Aymonis, Raimberti, Rainulfi, Gausberti, Gerardi, Gisonis. Regnante Rotberto.