Charta qua Constantius et frater ejus Albertus dant in commutatione monasterio Cluniacensi terram quæ in Colonias vocatur.
Placuit et convenit inter quosdam viros qui vocantur Constantius et Albertus et monachos Clunienses, ut inter se terram scammiarent, quod et fecerunt. In primis donaverunt Constantius et Albertus terram Sancto Petro quę in Colonias vocatur, et habet terminationes de tribus partibus terra Sancti Petri, de quarta ipsa hereditate; et donant in alio loco pratum habente in transverso perticas III et in longum quantum tenet, ut faciant monachi a die presenti et deinceps quicquid facere voluerint. S. Constantii et Adalberti, qui hanc cartam fecerunt. S. Rothardi, Constantii, Arlulfi, Bernardi, Dominici. Data per manus Ingelberti levitę, regnante Rodberto.