In nomine sanctę et individuę Trinitatis. Ego, in Dei nomine, Wandalmarus dono Domino Deo et sanctis ejus apostolis Petro et Paulo Cluniensis monasterii, ubi domnus Odilo abba preesse videtur, et monachis ibi Deo servientibus, res meas quę sitę sunt in villa Agiaco; omnia ex integro trado atque transfundo, in quantum mihi obvenit vel obvenire debet, et ab hac die habeant ipsi monachi potestatem faciendi quicquid voluerint. Si quis ergo hanc cartam calumpniare voluerit, iram Dei omnipotentis incurrat; et stabilis permaneat, stipulatione subnixa. Actum Cluniensi monasterio. S. Wandalmari, qui hanc donationem fieri et firmare rogavit. S. Lantberti. S. Arlei. S. Mainfredi. S. Bernoni. Regnante Rotberto rege.