Notum sit omnibus fidelibus, qualiter ego Durannus et uxor mea Adeleldis et infantes nostri vendidimus alodum quoddam Sanctę Marię Belmontensi et monachis Sancti Petri Cluniensis in loco Graverio, in villa Siniciaco, in fine Rofiaco. Accepimus autem per manus domni Lantberti monachi in commutationem precii solidos XI; et est jam dictum alodum vinea, habens in longo perticas XXII et in una fronte perticas V et pedem I, et in alia fronte perticas IIII. Terminatur autem sic: a mane terra Sanctę Marię, a sero terra Hebreorum, et de una fronte via puplica, et de alia fronte terra Hebreorum. Vendidimus atque de nostra dominatione in vestra tradidimus potestate, ad habendum et possidendum sine ulla contradictione. Si quis vero heredum nostrorum hujus venditionis cartulam a nobis factam calumpniare presumpserit, non valeat evendicare quod querit, sed convictus auri unctias IIII^or componat, et carta firma et stabilis permaneat. Actum Beelmonte puplice. S. Durranni, qui hanc cartam fieri firmarique rogavit. S. Adeleldis, uxoris ejus. S. Arnulfi et Giraldi, filiorum eorum. S. Rainelmi. S. Tetardi. S. Basini. S. Dominici. Regnante Rotberto rege.