Charta qua Robertus dat monasterio Cluniacensi, pro anima uxoris suæ Oldisnodis, res suas in villa Bierias.
In nomine Verbi incarnati. Notum sit cunctis sapientibus, quod ego Rotbertus dono Deo et sanctis ejus apostolis Petro et Paulo, et ad locum Cluniacum, aliquid de mea hereditate quę sita est in pago Matisconense, Bigerias vocatur, medietatem unius condaminę quę partitur cum Anselmo presbitero simul cum raxia quę desuper est; terminatur de una parte de ipsa hereditate, de alia terra Sancti Petri, de tertia Bernardi, de quarta Stephani. Et in ipso loco aliam raxiam quę terminatur de una parte terra Sancti Petri, de alia Rannaldi, de duabus frontibus terra Sancti Petri. Et dono in alio loco pratum de Bodel quod partitur cum Dedenco de Lornan; et terminatur a mane de ipsa here
ditate, a sero terra Sancti Petri, a medio die terra Sancti Martini. Facio autem hanc donationem pro remedio animę meę et uxoris meę Oldisnodis, ut Dominus pro sua pietate concedat nobis requiem sempiternam; tali autem tenore dono, ut ab hodierno die et deinceps faciant monachi supradicti loci quicquid facere voluerint. S. Rotberti, qui fecit et ipse firmavit. S. Anselmi presbiteri. S. Hugonis, filii ejus. S. Gausmari. S. Andreę. S. Blismodis. S. Alberici presbiteri. S. Constantini. Actum Cluniaco publice, regnante Rotberto rege.