Charta qua Wido et filius ejus Bernardus dant monasterio Cluniacensi vineam et curtilum in villa Pontiaco.
In nomine Verbi incarnati. Noverint omnes Christi fideles, qualiter ego Wido et filius meus Bernardus donamus Sancto Petro Cluniensisque monasterii fratribus, pro remedio animarum nostrarum, vineam unam cum toto curtili, in villa Pontiaco: ea vero ratione, ut omni anno in vestitura donemus VI sextarios prescriptis fratribus, usque ad finem vitę nostrę; et postea ipsi habeant et quicquid placuerit eis faciant. Terminatur autem eadem vinea ab oriente terra Rotberti, a meridie Odilinę, ab occidente via publica, ab aquilone nostra hereditate. Habet etiam ipsa vinea in longitudine perticas XXXVI, in latitudine III et pedes II ex una parte, et ex altera versus viam, de unea vestita IIII perticas. Ut autem hęc donatio stabilis et firma permaneat, rogavimus hanc cartam fieri et propriis manibus firmavimus testibusque subscriptis firmandam tradidimus. S. Widonis. S. Bernardi, qui hanc cartam fieri petebant. S. Constantię. S. Ebrardi. S. Wanenci. S. Martini. S. Bobonis. S. Paschalis. S. Anastasii. Data per Adalbertum sacerdotem et monachum, regnante Rotberto rege.