Charta qua Alinardus dat monasterio Cluniacensi campum in villa Ayono.
In nomine Domini. Ego Alinardus dono Domino et Sancto Petro, ad locum Cluniacum, aliquid de rebus meis quę sunt sitę in pago Matisconense, in villa Ayono, videlicet campum unum, qui terminatur a mane senterio procurrente, a medio et a sero et a cirtio terra Sancti Petri. S. Alinardi, qui hanc donationem fecit. S. Rotberti. S. Adalberti. S. Constantii. S. Duranni. Regnante Rotberto rege.