Charta qua Arlebaldus et frater ejus Algerius dant monasterio Cluniacensi vineam et pratum in villa Corchiavesco.
Notum sit omnibus christicolis, quod nos Arlebaldus et Algerius, fratres, donamus, pro anima fratris nostri Maibodi, quasdam res nostras sitas in pago Maticensi, Sancto Petro et Paulo, in villa Corchiavesco: hoc est vineam unam et pratum cum ea tenens; et terminantur a mane et a medio die terra Sancti Petri, a sero et a cirtio terra infantium Ingelberti. Faciant monachi quod eis placuerit ab hodierno et deinceps. Actum Cluniaco publice. S. Algerii et Arlebaldi, qui fieri et firmare rogaverunt. Signum Rotardi. S. Fulchardi. Item S. Fulchardi. S. Ansaldi. S. Duranni. S. Aimonis. Data mense februario, regnante Rotberto rege anno I. Evrardus levita scripsit.