Notitia placiti in quo Radulfus werpivit Girfredo levitæ pratum in villa Novientis.
Noticia vuerpituria. Notum sit omnibus hominibus, cum convenirent boni homines in atrium Sancti Martini, tam clerici quam laici, Bermundus levita, Letardus presbiter, Rotlannus scabineus, Amelius, Raynoardus; ibique veniens ante eos Gyrfredus levita proclamabat se de uno prato qui est situs in pago Cabilonense, in fine Balodrense, in villa Novientis, ubi in Prato Arleo vocat, quem Radulfus mali ordine contra illum contendit. Tunc ipse Radulfus non potuit habere auctoritatem, ut premonstret unde manu Rotlanno ipse pratus sibi in hereditate post mortem Rainfredo, ut sibi in hereditate ipse pratus pervenire potest, neque carta neque idoneis testibus; sed de ipso prato in omnibus recredit et vuerpivit. Signum primus Radulfus vuerpivit et firmare rogavit. Signum Dareodoni, qui genitori suo consensit et in omnibus confirmavit. S. Staynardo, qui consensit. S. Rotlan. Sign. item Radulfo. Sign. Evrardo. S. Amelus. S. Ranoardus. S. Letardo. S. Bernardo. S. Radulfo. S. Randuino. Facta noticia in die veneris, mense aprili, anno primo regnante Rotberto rege. Reingulfus scripsit.
(Au dos:) Vuerpicio Raculfi, Notiant.