Charta qua Antelmus et frater ejus Bernardus notum faciunt se terram in Basiaco a propinquis suis monasterio Cluniacensi datam werpivisse, addentes insuper terras et servos in villis Visandono, Buferias et Bieria.
Cunctis sane sapientibus notum sit, quod nos, in Dei nomine, Antelmus et frater meus Bernardus, habentes quandam querelam contra Sanctum Petrum et monachos ei servientes, vurpitionem facimus ab hodierno et deinceps de terra quę est in Basiaco, quam propinqui nostri Sancto Petro dederunt. Si quid igitur in eadem habemus directum, Sancto Petro damus pro remedio animarum nostrarum et fratris nostri Girbaldi; damus etiam Sancto Petro quoddam curtile in pago Maticensi, in villa Visandono, et quicquid in eadem villa habemus quesitum, ad inquirendum totum. Et damus in villa Buferias curtile unum quod de Nazareno conquesivimus, et in ipsa villa vineam quam de Aydoardo conquesivimus, quesitum, ad inquirendum, totum ad integrum. Et damus in villa Bieria medietatem mansi qui erat inter Girbaldum et Letbaldum, et quicquid ad ipsam medietatem aspicit vel aspicere videtur, quesitum, ad inquirendum, totum ad integrum. Donamus etiam servum, nomine Abraam, cum uxore et infantibus suis. Facimus autem hanc donationem pro animabus nostris et anima fratris nostri Girbaldi, ut Dominus de penis inferni nos eripiat, et paradisi faciat heredes. Si quis contra hanc donationem aliquam litem intulerit, auri untias IIII
or persolvat, et hęc donatio firma et stabilis [permaneat, cum] stipulatione subnixa. Actum Cluniaci publice. S. Antelmi, et fratris ejus Bernardi, et matris eorum Avanę, qui fieri et firmare rogaverunt. S. Ranę, uxoris Girbaldi. S. Bernardi. S. Rotberti. S. Huberti. S. Attonis. S. Lanberti. S. Wilelmi. S. Hugonis. S. Ainardi. S. Eldrici. S. Bernardi. Data mense aprilis, regnante Rotberto rege anno I. Ebrardus levita scripsit.