Charta qua Ildinus vendit monasterio Cluniacensi quasdam res suas in villa Mailiaco.
In nomine sanctę Trinitatis. Ego Ildinus dono Deo pro anima mea et
parentorum meorum et sanctis apostolis ejus Petro et Paulo, ad locum Cluniacum, cui preest domnus Odilo abbas, quasdam res meas sitas in pago Matiscensi, in villa Mailiaco, in agro Dariaco, curtilem unum cum vinea, quę terminat a mane via publica, a medio die et a circio terra Flodonis, et in alio loco campum unum qui terminat a mane rivo Graunna, a sero terra Sancti Petri, a medio die terra Rogeri, a circio de ipsa hereditate, et in alio loco silvam quę terminat a mane via publica, a sero pratum de ipsa hereditate, a medio die de ipsa hereditate, a circio terra Sancti Petri; et accipio de ipsis monachis precium XX solidorum, ut faciant ipsi monachi de his omnibus quicquid facere voluerint, a die presenti, sine ullo contradictore. Actum Cluniaci publice, mense junio, anno primo Rotberti regis. S. Ildini, qui fieri et firmare rogavit. S. Ingelelmi. S. Algodi, Aymonis, Burningi, item Ingelelmi. Burningus levita scripsit.