Charta qua notum est wadiatores Walterii, videlicet Walterium, Oddonem et Heldebertum monasterio Cluniacensi vineam in villa Besorniaco dedisse.
Noverint fideles, quod nos vuadiatores Vualterii: Vualterius, Oddo, Heldebertus, donamus ad locum Cluniacum, de rebus ipsius, in villa Besorniaco, vineam unam quę terminat a mane et a sero terra Oberti, a medio die terra Sanctę Marię Belmo[n]tensis, a tertio via puplica; et faciant rectores Sancti Petri quicquid facere voluerint. Actum Cluniaco puplice. S. Walterii. S. Odonis. S. Heldeberti. S. Witberti. S. Bernardi. S. Uberti. S. Johannis. S. Aremberti. S. Leterii. S. Aldufi. S. Bernardi. Regnante Rotberto anno II.