In nomine Verbi incarnati. Notum sit cunctis christianis fidelibus per orbis quadrifidi partes consistentibus, tam presentibus quam etiam futuris, quod ego Siguinus, in infirmitate maxima positus, cedo Domino Deo et sanctis apostolis ejus Petro et Paulo, ad locum Cluniacum, de mea hereditate, que sita conjacet in territorio Matisconensi, in villa Marziaco, unum videlicet campum qui terminatur ex duabus partibus via publica, ex aliis duabus de ipsa hereditate. Dono etiam meam omnem partem quam habeo in bosco, quem vocant de Grossa Foreste; similiter meam divisionem in Monte Oialdi et in Monte Urxonę; unum item pratum quod est situm in loco quem dicunt Jambones, et habet terminationes de duabus partibus terra Sancti [Petri] et terra Sancti Johannis, ex alia parte [terra] Sancti Vincentii, deinde terra francorum. Dono etiam unam petiolam de terra in loco quem vocant ad Sarcous, quę terminatur a mane via publica, a circio Sancto Petro, et a sero similiter. In alio etiam loco, qui cognominatur ad Petram, unam aliam petiolam de campo, quę terminatur a mane terra Sancti Petri, a sero terra fracor (sic), a circio via publica. [Dono etiam unum francum Maimbaudum, cum franchisia sua quam tenet.] Item in supradicta villa Marziaco unum campum, terminans de duabus partibus via publica, et ex aliis partibus terra Sancti Petri. Dono etiam servos his nominibus, Danihelem cum infantibus suis, Gundricum quoque et Aldegardis ancillam. Dono quoque ego et uxor mea Alexandra ac filius noster Sofredus, unum servum, nomine Soffredum. [Hec igitur omnia monachis predicti loci] in tali conventu, ut ab hac [hodierna] die [et deinceps] ex rebus supra denominatis fratres Clunienses faciant quicquid voluerint. S. Siguini, qui hanc cartam fieri et firmare rogavit. S. Alexandrę, uxoris ejus. S. Soffredi, Wichardi et Gauzeranni, filiorum eorumdem. S. Costabuli, Walterii, Constantii, Ansberti presbiteri, Icberti. Facta est hęc carta in mense julio, feria IIII, regnante Rotberto. S. Atele. Rainaldus monachus scripsit. Fidejussores hujus cartę Ansbertus presbiter, Constantius, Martinus.