CCE: cartae cluniacenses electronicae
Database of the Charters of the abbey of Cluny (802-1300)

BB 2428     View  [Back]
Charta qua Wido, frater Milonis, et Æva, uxor illius, dant monasterio Cluniacensi, pro anima ejusdem Milonis, quasdam res cum servis in villa Maxiliaco.
Auctoritas extat ęcclesiastica nobisque a majoribus nostris tradita, ut si quis aliquid de hereditate proprii juris, Deo vel alicui sancto pro remedio suę animę dare voluerit, per testamentum novum faciat posteris. Quapropter ego Wido, et uxor Milonis, nomine Æva, donamus Deo et sanctis apostolis ejus Petro et Paulo pro salute animę memorati Milonis, fratris mei, aliquid de nostra hereditate quę sita est in pago Matisconensi, in villa Maxiliaco: hoc est curtilum ubi Guandalbaldus residet, cum ipso servo Guandalbaldo et sua hereditate, et terciam partem de manso quem tenuit Guandaldradus, quę Miloni obvenit, tam de manso quam de omnibus appendiciis suis, pratis, silvis, aquis aquarumque decursibus, exitibus et regressibus. Dono etiam alium mansum in quo Paschalis resedit, cum omnibus appendiciis suis, pratis, silvis, aquis aquarumque decursibus, exitibus et regressibus, et unum servum, nomine Durannum, cum manso quem Milo conquisivit in Prissiaco de Bernardo Rabido, cum omnibus appendiciis suis. Dono quoque in Maxiliaco terciam partem de plantis quę Miloni obvenit, in Plantis vocat. Dono et unam ancillam, nomine Ingelbergam. Hęc omnia donamus pro remedio animę Milonis, ut faciant rectores Cluniensis monasterii de his omnibus ab hac die et deinceps quicquid facere voluerint. Si quis autem contra hęc aliquam calumniam inferre temptaverit, anathema sit. S. Widonis et Ęvę, qui hanc cartam fieri et firmare rogaverunt. S. Siguini, Drogonis, Wacilini, Willelmi, Maioli, Wichardi, Rodulfi. Actum Cluniaci publice, regnante Rotberto rege. Almannus scripsit, in mense januario, die veneris.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung