CCE: cartae cluniacenses electronicae
Database of the Charters of the abbey of Cluny (802-1300)

BB 2430     View  [Back]
Charta qua Arleius dat monasterio Cluniacensi mansum indominicatum cum servo et alias res suas in villis Maxiliaco et Flagiaco.
Omnis homo quamdiu in salo presentis ęvi agonizat, omni nisu summaque instantia elaborare debet, quatinus ex reditibus suis ęterna premia mercetur. Unde Arleius, enormitatem meorum reminiscens peccaminum, dono Deo et sanctis apostolis Petro et Paulo et ad locum Cluniacum aliquid de rebus meis quę sunt sitę in pago Matiscensi, in villa Maxiliaco, unum scilicet mansum indominicatum cum terris, pratis, vineis, pascuis, exitibus et regressibus, et servo, nomine Domnefredo, qui in ipso manso resedit, et quicquid in ipsa villa visus sum habere, quęsitum et inquirendum. Dono etiam in villa Flagiaco unam vineam quę terminat a mane de ipsa hereditate Bernardo et Rotrude, a medio die via publica et Siguino, a circio muro manufacto, et a sero Siguino similiter. Et in ipsa villa dono campum unum qui nominatur Curbatillea, et in Marciaco pratum unum qui nominatur Bulthna, et in ipsa villa dono curtilum unum, qui terminatur de uno latere a mane Adoardo, a medio die terra Sancti Petri, de aliis partibus terra Graonna. In tali vero tenore, ut quamdiu vixero teneam et possideam, excepto ipso curtilo qui suprascriptus est. Post meum vero discessum, ad jam dictum locum perveniat. Si quis autem contra hanc donationem aliquam calumniam inferre temptaverit, primitus iram Dei omnipotentis et sanctorum omnium offensam incurrat, et nisi resipuerit, cum diabo[lo] in inferno trudatur. Cogente vero judiciaria potestate, auri libras XII exsolvat, et inantea traditio ista firma et stabilis permaneat, cum stipulatione subnixa. Actum Cluniaci publice. S. Arlei, qui fieri et firmare rogavit. S. Ingelelmi, Siguini, Aldini, Attoni, Ingelelmi, Ottonis comitis, Vulrici, Willelmi, Arlei, Wichardi, Milonis, Aymonis, Ailaldi, Maioli clerici. Data mense maio, regnante Rotberto rege. Armannus scripsit.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung