Charta qua notum est monachos Cluniacenses, et Girbertum laicum inter se terras in villa Galoniaco commutavisse.
Convenit inter fratres Clunienses et Girbertum laicum scamium quoddam in villa Galoniaco: dantes ei campum unum qui habet in longum perticas XXIII, et in una fronte III, et in alia IIII; accipientes ab ipso Girberto alium campum in ipsa villa, quem campum vocant ad Cumbam Sancti Ylarii, qui habet perticas XL in longum, et in transverso VI: eo tenore ut ipse Girbertus faciat ex ipso campo quicquid facere voluerit, et jam dicti fratres similiter agant. Actum Cluniaci publice, XIII kalendas aprilis, regnante Rotberto. S. ejusdem Girberti. S. Giperii, Duranni, Odmanni, Landonis, Ranaldi, Servatii. Warnerius scripsit.