Charta commutationis vinearum in villa Castello inter monachos Cluniacenses et Bernardum.
Ego igitur, in Dei nomine, Bernardus scamio cum monachis Sancti Petri Cluniens[is] cenobii, quibus videtur preesse domnus Odilo abbas, ex hereditate mea, unum arpentum vineę, in villa quę dicitur Castello, in vicaria Matisconensi, in loco videlicet Virdegarium, de arboribus pomiferis; et per circuitum in tribus partibus terminatur terra ipsorum seniorum, de IIII
a vero parte terra Eldradi presbiteri. Et hoc scamium quod ab eis accepi, similiter unum arpentum de vinea in ipsa villa, in loco clausurę qui vocatur Trembleia, cum fonte que in ea est: et de uno latere via puplica, de alio [terra] mea, qui istam cartam facio, et de alio terra Aremberti; et ab hodierno die faciant quicquid voluerint, hoc annuo mente libera. Quod si, me jubente, aut post meum discessum, aliquis surrexerit hęc contradicens, sciat se graviter a Deo dampnandum, et insuper auri libram componat. S. Bernardi, qui hanc cartam fieri et firmare rogavit. S. Drogonis. S. Drogonis. S. Bernardi.
S. Rannaldi. S. Heldini. S. Tetelmi presbiteri. Data in mense julio, regnante Rotberto rege.