In nomine Verbi incarnati. Notum sit omnibus fidelibus christianis, quod ego Ardanius, in Dei nomine, vendo monachis Sancti Petri unam vineam valentem solidos sex et dimidium. Est autem ipsa vinea in pago Matisconense, in villa Pradilis; terminat autem a certio terrę Sanctę Marię Tronorcensis, a medio die terrę Sancti Petri, a mane terrę Narduini, a sero terrę Sancti Petri. Habet perticas in longum X et VIII, de uno fronte III perticas et octo pedes et de alio fronte duas perticas et dimidiam. S. Ardanii, qui fieri et firmare rogavit. S. Sigisberti. S. Gausberdi. S. Richardi. S. Fredeberti. Actum publice Cluniaco, die dominica, mense julio, die quarto, Rotberto rege.