In Dei nomine. Ego, Johannes, et uxor mea Ildesindis, et frater meus Bernardus et uxor ejus Frodildis, et mater nostra Dominica, donamus Deo et sanctis ejus apostolis Petro et Paulo, et ad locum Cluniacum, cui preest dunnus Odilo abba, quasdam res nostrę proprietatis, in pago Matisconensi, in villa Varingo, vineam scilicet unam, terminatam a mane terra Sancti Petri, a cirtio similiter, a medio die terra Rainberti et Martini, a sero via publica: eo tenore, ut ego Johannes, quandiu vixero teneam et possideam meam partem; et post discessum uniuscujusque nostrum, pars illius ad Sanctum Petrum perveniat, et in vestitura omni anno IIII sextarii de vino persolvantur. Donat etiam mater nostra Dominica, in alio loco, pro anima sua et omnium filiorum ac parentum suorum, et in locum sepulturę suę, unum curtile et vineam cum eo tenentem; et terminantur a mane via puplica et terra David, a medio die rivo currente, a cirtio via puplica, a sero terra Bernuini: eo tenore, ut quandiu vixerit teneat et possideat, et post ejus discessum, ad Sanctum Petrum perveniat, et omni anno in vestitura IIII sextarios de vino persolvat. Donamus etiam in alio loco campum unum, terminatum de III^bus partibus terra Sancti Petri, a sero terra Bernuini: a die presenti, ut ista carta a die presenti firma et stabilis permaneat, stipulatione subnixa. Item ego Johannes et uxor mea donamus unum campum cum curtile in villa Curt Francion, qui terminatur a mane pascuario, a medio die de ipsa hereditate, a cirtio terra Arlei, a sero muro: eo tamen tenore, ut vivens teneam et possideam, et post meum discessum ad locum meę sepulturę perveniat, sine ullo contradicente. S. Johannis et uxoris ejus Ildesendis, et fratris sui Bernardi et uxoris ejus Frodildis, et matris eorum Dominicę, qui firmare rogaverunt. S. David. S. Martini. Warnerius scripsit mense aprili, regnante Rotberto rege. Actum Lordono.