Charta qua Franco uxorque ejus Agia atque filius eorum Durannus vendunt monasterio Cluniacensi res suas in villa Cotta.
Ego, in Dei nomine, Franco et uxor mea Agia vendimus, in villa Cotta, monachis Sancti Petri Cluniensis monasterii, cui domnus Odilo abba preest, pratum unum, et habet per duas frontes perticas IIII
or et pedes tres; et de uno curtili tertiam partem, et habet per frontes perticas IIII. Pratum vero habet terminationes a mane terram ejusdem Franconis, ab aquilone, a meridie et occidente terram Sancti Petri. Curtile habet de una parte terram ipsius Franconis, de III
bus partibus terram Sancti Petri; et accepimus ex his rebus in pretium solidos III, et faciant ipsi monachi ex eis a die presenti quicquid facere voluerint. S. Franconis et uxoris ejus et filii ejus Duranni. S. Adam. S. Johannis. S. Rotdulfi. In eadem adhuc villa, scilicet Cotta, ego Franco et uxor mea Aigi[a], in alio loco, vendidimus monachis campum unum terminatum a mane via publica, de tribus partibus terra Sancti Petri; et accepimus pretium solidos III. S. Widonis. S. Gausę. S. Teotbaldi.
Sirus monacus scripsit, in Lordono, mense aprili, regnante Rotberto rege.