Charta qua Adelaydis vidua, consentiente filio suo Johanne, dat ecclesiæ Sanctæ Mariæ Belmontensis vineam et campum in villa Corcellas.
Ego igitur mulier vidua, nomine Adeleydis, dono Domino Deo omnipotenti et Sancte Marie Virgini Belmontensi et omnibus sanctis, quandam mei juris vineam, quę residet in comitatu Cabilonensi, in villa Corcellas, et campum cum ea tenentem; et terminatur ab una parte via publica, ab alio latere terra Sancti Petri, et ab aliis partibus terra francorum. Hanc terram tali ratione Sanctę Marię concessi, ut faciant ipsius loci rectores quicquid eis placuerit. Quod si quisquam tam infelix fuerit, ut hanc meę paupertatis largitionem contradixerit, auri libram componat, et particeps angelorum Sathanę existat, nisi satifecerit emendatione congrua. S. Adeleydis hujus terre donatricis. S. filii ejus Johannis. S. Rotberti. S. Tedcę feminę. S. Ebrardi. S. Bernardi. Actum puplice in eadem terra, II kalendas mai, regnante Rotberto rege. Ego Josbertus scripsi, tempore Isimbaldi monachi.