Omnis homo quandiu in salo presentis vite agonizat, summa vi, summoque ingenio studere debet, ut ex rebus perituris æterna pręmia mercetur, juxta Pręcursoris etenim vocem: «Jam securis ad radicem arboris posita est.» Unde noverint tam presentes, quam etiam futuri Christi tyrones, quod ego Livo, recogitans enormitatem meorum peccaminum, dono Deo et sanctis apostolis ejus Petro et Paulo et loco Cluniaco, cui pręest domnus Odilo abbas, aliquid ex rebus meis quę sunt sitę in pago Maticensi, in villa Salorniaco, in agro Athanacensi: hoc est unus mansus indominicatus, ubi Walterius stat, qui est ad Puteum, et quicquid ad ipsum mansum aspicit, tam de alodo quam de conquisto, et quicquid habeo jam dicta villa, excępto uno manso ubi Otbertus stat, et unum clausum de vinea in Tremuntio, quem relinquo Sancto Benedicto, et excepto uno curtilo quem relinquo sorori meę Emeltrudę; cetera Sancto Petro dono. Et dono in villa quam vocant ad Rocam unum mansum et quicquid ad ipsum mansum aspicit vel aspicere videtur, quęsitum, et ad inquirendum, totum ad integrum, hoc sunt vineis, campis, pratis, silvis. Facio autem hanc donationem pro animę meę remedio, et pro anima patris mei Livonis, et pro anima matris meę Ledburgis, et pro animabus omnium parentum meorum. Dono etiam unum farinarium super fluvium Vuię et servum, nomine Balduinum. Dono vero etiam in villa Besorniaco mansum indominicatum ubi Reginerius stat, et quicquid ad ipsum mansum aspicit vel aspicere videtur, videlicet campis et vineis. Dono etiam servos et ancillas, qui in supradictis mansis habitant, in Salorniaco videlicet et Rocca, exceptis Goolberto et filio ejus Walterio. Dono hæc omnia ut pius Dominus de pœnis inferni nos eripiat et ad guadia æterna perducat. Si quis autem contra hanc donationem aliquam litem inferre presumpserit, primitus iram Dei omnipotentis incurrat et beatorum apostolorum Petri et Pauli et omnium sanctorum quorum memoria continetur in celis, veniantque super eum omnes maledictiones quas continet vetus et novum Testamentum, nisi ad emendationem venerit; cogente etiam judiciaria potestate, auri [li]bras triginta persolvat, et hæc donatio firma sit omni tempore. Actum Salorniaco publicę. S. Livonis, qui fieri et firmare rogavit. S. Israel. S. Umberti. S. Uberti. S. Bernardi. S. Odilonis. S. Odonis. S. Walterii. S. Gunsilini. S. Girbaldi. Data mense martio, regnante Rodberto rege anno secundo. Ebrardus levita scripsit; Arnulfus hic restauravit.