Sacrosanctę Dei ecclesię quę est constructa in honore beatorum apostolorum Petri et Pauli, quę dicitur Cluniacus, ego itaque Rodulfus dono, pro anima mea et pro anima uxoris meę Vuitburgis, aliquid ex rebus meis quę sunt sitę in pago Augustidunense, in villa Valcellas; id est curtilum ubi Artmarus stat indominicatum, et quicquid ego jam dictus Rodulfus habeo in villa Valcellas, sicuti vadit via regia de Vigoset ad Sanctam Mariam, omnia dono ab hodierno et deinceps. Et dono servum jam dictum Artmarum, cum uxore sua. Facio hanc donationem pro anima mea et pro anima uxoris meę jam dictę Vuitburgis, ut Dominus de penis inferni nos eripiat, et in locum sepulturę. Actum Cluniaco publice. S. Rodulfi, qui fieri et firmare rogavit. S. Ainardi, Adalradi, Artaldi filii supradicti Rodulfi. S. Loze, Tedrici, Aalonis. Data mense aprili, regnante Rodberto rege anno II.