In nomine sanctæ et individuæ Trinitatis. Ruodolfus divinæ nutu clementiæ regiæ dignitatis ornatus honoribus. In restaurationibus ęclesiarum Dei perpetuisque solidationibus summo mentis affectu plurimum operam dare preutilis et honesti fore propositum negotii nostri noticiam minime latitat, unde omnibus sanctæ ęclesiæ filiis, evi præsentis hominibus et futuri temporis fidelibus, certius innotescere volumus, qualiter ob Agildrudis reginę, conjugis nostrę dilectissimæ, archipręsulisque Purchardi, necnon domni Utelonis, Cluniacensis monasterii abbatis, justas et honestas peticiones, pręcepta regalia seu cartas vel donationes ab aliis fidelibus eidem Cluniacensi monasterio, quantum nostri in finibus regni habetur factas, in unum collecta corpusculum, more patris nostri beatę memoriæ, nominatim omnibus missis renovavimus. Pertinent igitur ad locum prædictum Paterniacum monasterium et Romanum monasterium, cum omnibus appendiciis eorum; in episcopatu Lugdunensi: Saviniacum, Farencum, Ambariacum, Boliniacum, ecclesia quæ dicitur de Oratorio, ecclesia Sancti Andeoli, Luiniacum, Tussiacum, Cavariacum, villa nomine Romanos, Taluzatis, portus de Osa, Vivariacum, piscinęque aliquot, Darbonacum, Anberta, Poliacum, Artedunum, ecclesia Liergis, ecclesia de Vallibus, ecclesia de Rodnens, cum omnibus ad ea pertinentibus; in episcopatu Viennensi: Croptas locus, Taderniacum, Caussella, ecclesia Sancti Desiderii, Bracost, Brucins, Jarzin superior, Jarzin subterior, mansiones de Vienna cum ecclesia, villa Salpaisa, Mons Judeus, ecclesia de Candiaco, Medons, villa quę vocatur Insula, inter Bullam et Carusiam, cum omnibus eorum appendiciis; in episcopatu Valentinensi: ecclesia de Monte Ison, ecclesia de Aleso; in episcopatu Vivariensi: ecclesia Sancti Georgii, locus Rumpone, locus ad Fontes Cellarionis, cum aliis quibusdam; in Proventia: cella Sancti Amandi, castrum Colonzellas, cella Sancti Pantaleonis, Tudeleta, Poiodolen, castrum Condorcense, cella Rosacensis, cella Canagobiacensis, Valentiola, Teiza; mansiones de castro Avinione et Arælatensi urbe, et Monte Vivario, quicquid ibi acquisistis, et in villa Ribedanias. Hęc igitur teneat abbas Utelo, monachique sub eo locati, successoresque eorum, cum omnibus quę antecessores ejus in regno nostro acquisierunt aut ipse aut adhuc acquisiturus cum successoribus erit. Ut autem hec a nobis facta credantur, et numquam a posteris nostris infrangantur, manu nostra roboravimus et sigillo nostro jussimus insigniri. Signum domni Ruodolfi (Monogramme) regis nobilissimi. Ego Paldolfus cancellarius recognovi. Actum Viveisi, anno incarnationis Dominicę DCCCC XC VIII, indictione VIIII, regni vero Rodolfi regis sexto, feliciter. Amen.