Sacrosancte Dei archisterii Cluni[ensis] ecclesie in sancti principis apostolorum Petri et Pauli honore dicate, ubi domnus Odilo abba preesse videtur, ego quidem, in Dei nomine, Fredelannus et uxor sua Aalaidis et filius eorum Berat, cogitans casum humane fragilitatis, ut beatus Petrus in die exitus mei michi sit atjutor atque protector, pro remedio videlicet anime mee omniumque parentum meorum, cedo jam dicte Cluniensi ecclesie et monachis ibidem in Christo militantibus aliquit ex rebus meis, hoc est silva que vocatur Bes, omnia quicquit justum abere visus sum, totum et integrum dono Deo et sanctorum Petri et Pauli, et monachis ibidem manentibus. Et terminat a mane Ararim fluvium, a medio die Sancti Stephani, a sero pratis, a cercio terra Sancti Martini. Ea videlicet racione, ut ab hac die liberam et firmissimam, in Dei nomine, habeant potestatem ipsas res vendendi, habendi, seu liceat conmutandi, aut perdonandi, aut quicquit juste elegerint faciendi. Si quis vero contra hanc benivolam donacionem aliquam calumniam inferre tentaverit, nullatenus evindicet quod repetit, set componat quibus litem intulerit, auri libras XX; et inantea hec donatio firma et stabilis permaneat, cum stipulacione subnixa. Calumniosus autem ille contradictor quicunque fuerit, Dei auctoritate beato Petro traditam {corr: traditas} potestate anathematizatus, sociatus proditori Jude, et Datan, et Abiron, simulque Core halienus abeatur a superne patrie beate possessione. S. Fredelannus et uxor sua Aalaidis, qui fieri et firmare rogaverunt. S. Leodegarii. S. Stephano et alio Stephano. S. item Leodegario. S. Raimont. Actum castellum Cameleto. Datavi die lunis, II kal. f[ebruaria]s, annis ... Rodulfo rege.