Omnibus Christi signaculo insignitis, tam presentibus quam futuris, notum esse cupimus, qualiter ego Richoara, reminiscens enormitatem meorum peccaminum, dono Deo et sanctis ejus apostolis Petro et Paulo, ad locum Cluniacum, aliquid de mea hereditate, que sita est in comitatu Forense et in villa Juliaco, unum mansum quem adquisivi de Vuarantone et ipsam terram quæ ad ipsum mansum aspicit vel aspicere videtur, ut nullus homo aliquod servitium vel ullam causam accipiat nisi seniores prefati loci: et in alio loco unam vineam in Evuirando villa; terminat ex una parte terram Stephani, et ex tribus partibus Sancti Petri. Ista omnia supradicta dono Sancto Petro apostolo, et ad locum Cluniacum, ut ab hac die et deinceps rectores ejusdem loci quicquid facere voluerint faciant, sine ullo contradicente homine. S. domnæ Dece, que istam cartam fieri rogavit. S. Vualburgæ. S. Bernardi. S. Bernardi presbiteri. S. Girardi. S. Adalgerii. [Balduinus scripsit.]