Charta qua Durannus, consentientibus uxore sua Adalenda et filio suo Arfredo, dat monasterio Cluniacensi curtilum indominicatum in villa Tauriaco.
Omnibus sub norma catholice fidei militantibus notum esse volumus, quod ego Durannus, conscia uxor mea Adalenda ac filio meo Ar
fredo, dono Deo et sanctis ejus Petro et Paulo et ad locum Cluniacum curtile uno indominicatum in villa Tauriaco; terminet ad mane terra Alimari, a medio die via publica, a sero et a cercio de ipsa ereditate. Facio autem hanc donationem in tali tenore, ut omni tempore quamdiu vixerimus teneamus. Post nostrum obitum ad supradictum perveniat locum et omni tempore sextaria IIII de vino persolvamus. Si quis autem hanc donationem calumniare voluerit, auri componat libras IIII; et posthec firma et stabilis permaneat. S. Duranni et uxoris ejus, qui fieri et firmari jusserunt. S. Arfredi, filio ejus. S. Landrici. S. Gilboldi. S. Costaboli. S. Fideli, qui scripsit.
(Au dos:) Duranni in Tauriaco.