Charta qua Lezelinus dat monasterio Cluniacensi quasdam res in Cavaniaco et in Clausellis.
In nomine Verbi incarnati. Notum sit cunctis fidelibus, quod ego Lezelinus dono Deo et sanctis ejus apostolis Petro et Paulo, ad locum Cluniacum aliquid de mea hereditate, que sita est in pago Matisconensi, videlicet unam vineam sitam in loco qui dicitur Cavaniacus, qui terminat a mane de ipsa hereditate, a medio die rivo currente, a cercio via publica, a sero terra David. Dono etiam unum curtilum in loco qui dicitur Clausellis, qui terminat a mane via publica, a medio die terra Sancte Mariæ, a sero bosco, nomine Craiel, a cercio de ipsa hereditate. S. Lecelini, qui hanc cartam fieri rogavit.
(Au dos:) Carta Liceliny, de Cavaniaco.