In nomine Verbi incarnati. Notum sit cunctis fidelibus sanctæ æcclesie, tam presentibus quam futuris, qualiter ego Rodbertus, dono Deo et sanctis apostolis ejus Petro et Paulo et loco Cluniaco necnon et fratribus inibi degentibus, unum campum residentem in villa que dicitur Castelut: in tali tenore, ut quamdiu vixero teneam et possideam, et omni anno unam eminam de frumento in vestitura persolvam. Simili modo dono prefato loco omnem terram quam de monachis Sancti Petri emi vel emturus sum, totum ad integrum rectoribus supradicti loci dono, transfundo, ut a die discessionis mee a corpore abeantur et deinceps habeant et possideant, absque ullius contradictione. Sane si quis ex heredibus meis, aut ullus homo extiterit, qui hanc donationem calumniare voluerit, non possit vindicare quod repetit, sed in ira Dei omnipotentis incurrat; et posthæc donatio ista firma et stabilis permaneat. S. Rodberti, qui cartam istam fieri jussit et firmare rogavit. S. Eldini. S. Bernardi. S. Stephani. S. Raimmundi. S. Arsende. S. Haberti. S. Constantinus. S. Hacberti.