Charta qua Hugo et uxor ejus Ildiardis dant monasterio Cluniacensi vineam in villa Chiviniis.
In nomine sancte et individue Trinitatis. Ego Hugo cum uxore mea Ildiardi, dono Domino Deo et sanctis apostolis ejus Petro et Paulo vineam quam emi de Milone, quæ est sita in episcopatu Matisconense, in villa a Chiviniis, ut rectores Cluniacensis cenobii habeant, teneant, possideant jure perpetuo, tali tenore, ut ego et uxor mea propter hanc vineam in jam dicto Cluniacensi monasterio sepeliamur. Qualiscumque aut ego aut uxor mea supervixerit suum socium, illi qui supervixerit remanebit media pars vineæ quamdiu vixerit; cum vero obierit, in jam dicto monasterio sepeliatur, ut dictum est, propter suam vineæ partem. Si quis vero, aut successoribus, aut heredibus nostris contra hoc donum usurpare vel calumniare voluerit, iram Dei super eum manifeste descendat, et quod repetit vindicare non valeat, dehinc judiciaria potestate coactus decem auri uncias componat, et hoc quod injuste quesiverat ratum cunctis diebus ad memoratum Cluniacum permaneat. S. Milonis et Elderii. S. Duranni, qui fieri et firmare rogavit. S. Oddonis. S. Constabuli. Hii omnes laudaverunt, et fecerunt et dederunt, et confirmaverunt hoc donum.
(Au dos:) Carta de vinea de Chiviniis, quam dedit Hugo Sancto Petro.