CCE: cartae cluniacenses electronicae
Database of the Charters of the abbey of Cluny (802-1300)

BB 2532     View  [Back]
Charta qua Bernardus, vir clarissimus, dat pignori Odiloni, abbati Cluniacensi, terram in villa Buxerias.
Placuit atque convenit inter domnum Odilonem abbatem et congregationem Sancti Petri atque ab alia parte Bernardi, secundum seculi dignitatem viri clarissimi, ut causa cautionis ipse Bernardus terram quam videtur habere in villa que vocatur Bugserias daret Sancto Petro atque servientibus, sibi dato pretio a monachis Cluniensis cœnobii, hoc est ducentos solidos: in tali namque ratione, ut quamdiu ipse Bernardus solidos supradictos tenuerit, monachi Sancti Petri terram supradictam teneant ac possideant; et quando ipsum pretium reddere ei placuerit, ad ipsum Bernardum terra ipsa revertatur. Sin autem reddere precium noluerit, monachi supradicti teneant ac possideant. S. Bernardi militis et uxoris ejus Emme, qui hanc cartam fieri ac firmare rogaverunt. S. Huberti. S. Rotberti. S. Bernardi. S. Engelelmi. Facta est hæc conventio regnante Rotberto rege Francorum anno Vto. Benedictus levita scripsit, vice cancellarii.
(Au dos:) Cautio Bernardi Buxerias.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung