CCE: cartae cluniacenses electronicae
Database of the Charters of the abbey of Cluny (802-1300)

BB 2535     View  [Back]
Charta qua Leberga dat monasterio Cluniacensi res suas in villis Vallis, Vescurtisque et in Calmonte.
Sacrosancto et exorabili loco in honore Dei et beatorum apostolorum Petri et Pauli consecrato, cui pręest dunnus Odilo venerabilis abbas, ego Leberga cedo de rebus meis quę sunt sitę in pago Matisconensi, in villa Vallis, videlicet unum curtile indominicatum, cum servo, nomine Giraldo; et terminatur de duabus partibus terra Sancti Petri, de tertia Stephani, de quarta via publica. Et dono in alio loco, in villa Vescurtis, dimidium curtile cum mansione una; et terminatur de duabus partibus via publica, de tertia terra Bernardi, de IIIIta de ipsa hereditate. Et in alio loco, qui dicitur Calmonte, campum unum, terminatum de uno latere et una fronte terra Sancti Petri, de alio latere terra Stephani et Constantii, de IIIIta parte increpita. Actum Cluniaco publice. Qui autem calumpniare voluerit, componat auri libras IIIIor, et postea firma et stabilis permaneat. S. Lebergani. S. Bernardi. S. Wilelmi. S. Bernardi. S. Girberti. S. Hugonis. S. Bladini. S. Gislardi. Berno levita scripsit, regnante Rotberto rege anno V.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung