Notum sit omnibus, quod ego Adaldrannus et ucxor mea Deodata vendimus monachis Sancti Petri aliquid ex rebus nostris in pago Matisconensi, in villa Binziono: hoc est unam vineam. Terminat a mane via publica, a medio die terra Tedoeno et suis eredibus, a sero Sancti Stephani, a cercio Sancti Petri; habet in longo perticas XXIIII, et in lato XIII pedes. Et accepimus ab eis IIII solidos et dimidium; et faciant quicquid voluerint ab hodierno die et deinceps, et est in agro Ciciacense. Actum Petronna publice. S. Adaldranni et ejus conjugis Deodate, qui fieri et firmare rogaverunt. S. Constantii. S. Tedoeni. S. Johannis. S. Bernaldi. S. Rainberti. Data mense junio, regnante Rodberto anno V. Ebrardus scripsit.