Charta qua Hugo, Odgerius et Ascherius, fratres, vendunt monasterio Cluniacensi quantum habent in villa Trescurtis.
Venditio facta apud Cluniacum a tribus fratribus Hugone, Odgerio et Ascherio, de terra que conjacet in pago Augustodunensi, in villa Trescurtis; pro amore Dei omnipotentis et Sancti Petri vendunt quantum habent in ipsa villa: hoc sunt terris, pratis, campis, silvis, et accipiunt triginta solidos. Et ut omni tempore firmitatem abeat, hanc scripturam fieri voluerunt et firmare. Sig. Hugone. S. Odgerio. S. Ascherio. S. Arulfo. S. Duran. Actum Cluniaco, regnante Rodberto anno VI.
(Au dos:) Odgerius, Anscherius in Trescurt.