Nos, in Dei nomine, Josbertus [et] Rainardus, pro anima Girbaldi presbiteri, de terra ejus, sicut ipse destinavit Sancto Petro Cl[u]niensi, in villa Canavas, scilicet unius vineę partem et unam petiolam de campo a Nugerada vocatur; quę terminantur a mane terra Leotbaldi, a medio die pascherii, a sero Drocbaldi, a cirtio Leotbaldi: tali tenore, infra istas terminationes, donamus, ut supradicti loci monachi faciant quicquid facere voluerint. Si quis de heredibus infrangere voluerit, iram incurrat Dei omnipotentis; et postea perseveret firma et stabilis. S. Josberti et Rainardi, qui et ipsi firmaverunt. S. Bernardi. S. Gausberti. S. Ebrardi. S. Drogbaldi. S. Adalgisi. Actum regnante Rotberto rege anno VI.