Notitia werpitionis, qualiter venit quidam vir, nomine Maiolus, clericus ante presentiam Wille[l]mi comitis et uxoris ejus Ermentrudis, et filii eorum Widonis, ceterorumque nobilium hominum qui ante eos stabant, clamans quasdam consuetudines in terris beato Petro datis, videlicet in Blanusco, et qui Cotta villaris, et de Varingo et de Lordono, et quicquid villarum ad ipsas potestates aspicit. Audientes igitur monachi Sancti Petri ejus reclamationem, qui ibi aderant, adstiterunt ante memoratum comtem ac universam curtem, dixeruntque se esse paratos contra eundem Maiolum, sicuti comes jussisset, quod de omnibus quę Maiolus dixerat, nullo modo in eis aliquam rectitudinem haberet. Quod videns ipse Maiolus ita esse adunatos, et argutus verbis comitis ac ceterorum militum qui ibi aderant, quod nullum rectum haberet, fecit hanc notitiam, ut ab hodierno die et deinceps nullam consuetudinem in Lordono et in apenditiis ejus, et in Varingo, et in Blanusco, et in earum apenditiis amplius requirat. Et ut hęc notitia firma sit, ipse Maiolus manu propria firmavit ac firmare rogavit. S. Maioli clerici, qui fecit, et ipse firmavit. S. Vuitberti. S. Rannaldi. S. Ingelelmi. S. Drogonis. S. Arlei. S. Hugonis. Actum mense martio, regnante Rotberto rege anno VI.