Domino fratribus Arcrimo. Ego Gerberga et filius meus Remestangnus, donamus tibi aliquid ex rebus nostris, que sunt sitas in pago Lucdunense, in villa Misiriaco, hoc est curtilus cum superposito et vinea, qui terminat a mane terra Archimbodi, a media die similiter, a sero de ipsam ereditatem, a cercio via. Infra isto terminio, ipsum curtilum cum vinea tibi donamus, et quicquid in ipsa villa abemus medietatem, quesitum et inquirendum, et facite de hoc quicquid volueritis, nullum contradicente. Si quis vero, qui donatione ista contradixerit, auri untiam componat, et donatio ista firma permaneat, cum stipulatione subnixa. Signum Girbergane, S. Remestagni, qui donatione ista fieri et firmare rogaverunt. Et donamus tibi servo supermanente, nomine Abbonitto, cum uxore suæ, ad integrum. S. Berengarii. S. Leutgarii. S. Evrardi. S. Arnulfi. S. Annoni. S. Adalgarii. S. Ardradi. Data per manu Berardi, sub die jovis, V kal. junii, anno XI regnante Rodulfi regis.