Dilecto nepoti meo Arlegio, et ego Arlegius, avunculus tuus, dono tibi aliquid de rebus meis que sunt site in pago Matisconense et in villa Colonicas, inest vinea et maso que vulgo Liat dicitur; terminat a mano fosado, a medium die terra Rainardi cum suis eres francorum, a sero Sancti Petri, a cercio similiter de Marziaco. In tali tenore quamdiu vixeris teneas; pos tuum obitum, ad Sanctum Petrum perveniat. In vestitura omnibus annis unum sesterium de vino. Et alias partes quas ibi abeo in ipsa vinea totum tibi dono, excentum medium plantum Eldebrandi. Et dono tibi a Flatgiaco curtilum et vinea insimul tenente; terminat a mane terra Gonzoni de ipsa ereditate, a medium die via publica et muro manufacto, a sero terra Sancti Petri, et a cercio terra Bernar. Et dono tibi in ipsa villa unum campum; terminat a mane terra Sancta Maria Belmonte, a medium die terra Seuvini, a sero increpito, a cercio Sancti Simphoriani. Et dono tibi de terra arabile, omnem medietatem, exceptum campum de Curvatilliam quam dedit Sancto Petro. Et dono tibi una perticam de vinea, et in ipsa villa quam Dominicus tenet. In ipsa villa dono tibi curtilum; terminat a mane reo currente, a medium die Odiloni, a sero et a cercio vias publicas. Et dono tibi servos Ornadum et Benedictum. Quamdiu ego vivimus, teneamus; post meum obitum, tibi perveniet. Et faciatis quicquid facere volueritis. Actum Cluniaco publice. [S.] Arlegius, qui fierit et firmare rogavit. S. Seuvini. S. Ayroart, Ingelelmo. S. Aymonis, Bernar. S. Rotardi. S. Aremberti. S. Gisleberti. S. item Bernardi. S. Constantini. Data per manus Euvardus, mense junio, regnante VI annos Rotberto rege.