Charta qua Rodulfus confirmat donationem vineæ in villa Masiriaco quam sui parentes fecerant monasterio Cluniacensi.
In nomine Domini. Ego Rodulfus dono Deo et Sancto Petro Cluniensis monasterii I vineam in pago Matiscensi sitam, in villa Masiriaco, quam pater meus olim Sancto Petro delegaverat et mater mea Telsaidis; quam dono pro animę meę remedio et patris ac matris et fratris. Et terminatur de tribus partibus terra Sancti Petri, de quarta
parte rivo volvente; et faciant monachi Sancti Petri quod voluerint. Actum Cluniaco puplice. S. Rotdulfi, qui fieri firmarique jussit. S. Bernardi. S. Huberti. S. Bernardi. S. Wiberti. Data mense junio, regnante Rotberto rege anno VI. Ebrardus scripsit.