Sacrosanctę ęcclesię quę dicitur Cluniacus. Ego igitur Doda dono Deo et sanctis apostolis Petro et Paulo aliquid ex rebus meis quę sunt sitę in pago Maticensi, in agro Marziaco, in villa Varengo: hoc est curtilum indominicatum cum vinea, quem Aalgisus tenet. Terminat a mane terrę Sancti Petri, a medio die terre Ingelberti, a sero terra Constancii, a cercio via publica. Infra istud terminum, medietatem istius curtili, Deo et sanctis ejus, pro animę meę remedio, et pro anima senioris mei Maingaudi, qui michi eum contulit, et pro animabus omnium parentum nostrorum et in locum sepulturę dono: in tali tenore, ut quamdiu vixero teneam; post meum obitum, ad Sanctum Petrum perveniat. In vestitura omnibus annis II^os sextarios de vino persolvam. Actum Cluniaco publicę. S. Dodanę, quę fieri et firmare rogavit. S. Arlei, Sivuini, Ingelelmi, Aimonis, Bernardi, Vuitberti, item Arlei, Rod[ulfi], Duranni. Data mense junio, regnante Rodberto rege anno VI. Ebrardus sacerdos recognovit.