Charta qua Ingelburgis et filiæ ejus dant monasterio Cluniacensi mansum in villa Engoeno.
Divina pietate hominibus concessum est, ut ex reditibus suis, quas
jure hereditario possident, si eas juste dispertiant pauperibus, et ecclesiis Christi, ex his animas suas redimere, et in futuro sibi tesaurizare noverint. Quapropter noverint cuncti fideles, quod ego Ingelburgis femina et filiæ meæ, nomine Landranda et Tedrada, donamus Deo et Sancto Petro et ad locum Cluniacum aliquid de rebus nostris, pro remedio anime nostre: hoc est mansum unum cum omnibus appendiciis suis, qui est situs in comitatu Matisconense, in villa Engoeno, ad Fontanam; totum ad integrum, quicquid ad ipsum mansum pertinet, ut faciant post hunc diem rectores Sancti Petri quicquid facere voluerint. Si quis autem, de parentibus nostris aut de aliis hominibus, contra hanc donacionem litem inferre voluerit, sit maledictus cum Juda, traditore Domini, et excommunicatus, nisi ad emendationem venerit. Et ut hec donatio firma permaneat et inconvulsa permaneat, firmamus et aliis firmare rogamus. S. Ugoni. S. Huberti. S. Bernardi. S. Vuitberti. S. Rotberti. S. Bernardi. S. Livoni. Ego Ingelburgis femina et filiæ meæ supranominate firmavimus, mense december, die lunis, regnante Rotberto rege anno VII.
(Au dos:) Engelburgis in Engoeno.