In nomine sancte et individue Trinitatis. Noverint universi fideles presentes scilicet atque futuri, quod ego Landrada, reminiscens peccatorum meorum enormitatem, simulque pavescens venturum judicii diem, dono Deo et sanctis [ejus] apostolis Petro et Paulo, et ad locum Cluniacum, aliquid ex rebus meis, quæ site sunt in pago Matisconense, in villa Brualias, id est unum campum et unum servum, nomine Johannem, in presenti; et post obitum meum unam vineam terminantem his terminis, a cercio terra Sancti Petri, a mane et a medio die terra jam dicte femine Landrade. Et dono simul unum alium servum, nomine Ermenfredum. Facio autem hanc donationem pro anima mea seniorisque mei Sendeconis et filiorum meorum Ebrardi, Vulardi, Sarlii, Vuinisi, Tetardi, Alenardi, Berteloni, Ugoni. Si quis autem hanc donationem effringere voluerit, sit anathema. S. Landrade, que hanc fieri cartam jussit. S. Rannaldi. S. Ascheri. S. Landrici. S. Adalgeri. S. Gontelmi. Actum Cluniaco publice, regnante Rodberto rege anno VII. Almannus levita scripsit.