In nomine Verbi incarnati. Noverint cuncti fideles, quod ego, in Dei nomine, Hubertus et frater meus Bernardus, donamus ad locum Cluniacum, pro anima matris nostre Deneze, aliquid de rebus nostris que sunt site in pago Maticensi, in villa Bainas: hoc est vineam unam quæ terminat de duabus partibus terra Sancti Petri, de tercia parte terra Sancti Marcelli, de quarta parte terra Heldrici. Donamus etiam in ipsa villa campum unum, partem nostram quam dare possumus, ut faciant rectores Sancti Petri quicquid facere voluerint. Si quis autem contra hanc donationem aliquam litem inferre voluerit, vindicare non valeat quod repetit, sed firma et stabilis permaneat, stipulatione subnixa. Actum Cluniaco publice. S. Humberti et fratris sui Bernardi, qui fieri et firmare rogaverunt. S. Johannis. S. Constancii. S. Heldeverti. S. Ingelgerii. S. Ingelbaldi. S. Rodlanni. S. Drudbaldi. S. Constancii. Aldebaldus levita, regnante Rodberto anno VII^o.