Noverint tam presentes quam futuri, quod ego Constantius dono Deo et sanctis apostolis ejus Petro et Paulo, et loco Cluniaco, pro anima mea et in locum sepulturę, aliquid ex rebus meis in pago Maticensi, in villa Conflans, in agro Evriaco, hoc est vineam unam; terminat ipsa vinea a mane Rotberti, a medio die via puplica, a sero Sancti Petri, a cercio terra Rotberti. Dono hęc omnia ut faciant monachi Sancti Petri ab hodierno et deinceps quicquid voluerint, et hęc elemosina sit pro anima mea et pro animabus uxoris meę et infantum meorum, ut Dominus in futuro seculo nobis dignetur esse propitius. Actum Aiona puplice. S. Constantii et uxoris ejus Lidsannę, qui fieri firmarique rogaverunt. S. Ledbaldi, filii ejus. S. Girardi, S. Sismundi, S. Warnerii, S. Constantii, S. Malguini, filiorum ejus. Data mense februario, regnante Rotberto rege anno VII^o.