Charta qua Bernardus miles dat monasterio Cluniacensi vineas in Monte Musdono.
Quia Domini tribuente clementissima gratia, hujus essentiæ licet fragilia adepti sumus solatia, perpendere debemus prudenti industria, ut in ea quæ finem non habet vita, omnium creatoris Christi percipere mereamur suffragia sine fine mansura. Quamobrem ego, in Dei nomine, Bernardus miles, peccatorum meorum reminiscens, et Christo Domino satisfacere cupiens, dono et concedo Domino Deo et Sancto Petro Romanæ ecclesiæ, quasdam vineas sitas in pago Cabilonensi, vocato Circiasensi, in Monte Musdo, terminatas de duobus frontibus de ipsa hereditate et de tercio fronte terra Adun, et a mane via publica: ea ratione ut quandiu vixero teneam et possideam, et decem solidos Sancto Petro Rome persolvam per singulos annos; et post meum ex hac vita decessum, Sancto Petro et Cluniacensi monasterio remaneant, tali modo ut monachi ipsius loci, singulis annis, prefatum censum persolvere studeant Sancto Petro Romanæ ecclesiæ, pro remedio anime mee. Facio autem hanc donacionem pro remedio anime mee, et pro anima patris mei Bernardi, et matris mee Aremburgis, et pro muliere mea Geretrudis: ea scilicet ratione, ut si ego in vita mea predicto Cluniensi loco voluero commutare, hanc donationem mihi liceat recipere, et alteram quam gratanti animo monachi recipiant illis restituere. Et ut hæc donatio firma perma
neat, manibus meis roboravi et manibus fidelium nostrorum roborandam tradidi. S. Bernardi et matris ejus Aremburgis, qui fieri et firmare rogaverunt. S. Geretrudis, ejus uxoris, que consensit. S. Bladini. S. Achin. S. Odoni presbiteri. S. Rotberti presbiteri. S. Laetaldi. S. Malguini. Actum Pseuduno castro, III kalendas novembris, regnante Rotberto rege anno VIII. Gauzfredus monachus et sacerdos, rogatus scripsit et subscripsit.
(Au dos:) Bernardi in Monte Musdono, in pago Cabilonense.