Charta qua Odilo, abbas Cluniacensis, notum facit se quandam terram in villa Domanico Girberto et uxori ejus Eldeardi ad medium plantum concessisse.
Noverint cuncti fideles, quod ego Odilo abba, etiam cum consensu fratrum, donamus cuidam viro, nomine Girberto, et uxori ejus Eldeardis, quandam terram ad medium plantum, in pago Matiscono, in villa Domanico: terminat a mane et a sero terra Sancti Petri, a medio die Adalberti, a certio ipsius Girberti; habet in ambabus frontibus perticas III. Ea ratione facimus, ut quinto anno habeat edificata, medietas ad Sanctum Petrum perveniat, aliam vero medietatem teneant ipsi duo quandiu vixerint; post illorum obitum, ad Sanctum Petrum perveniat. Actum Ayona. S. Odilonis abbatis. S. Viviani. S. Aldebaldi. S. Rodberti. S. Gysoni. S. Vuarnerii. Data mense november, regnante Rodberto anno VIII. Ebrardus sacerdos fecit.
(Au dos:) Girbert, medium plantum Domango.