Charta qua Willelmus dat monasterio Cluniacensi, pro anima fratris sui Bernardi, mansum in Crosiaco, vineamque in villa Lornando.
Divina pietate legumque actoritate sancitum est, ut de terrenis rebus celestia adquirere debeamus. Quapropter ego Vuillelmus dono Domino Deo et Sanctorum Petri et Pauli, ad locum qui dicitur Cluniaco, hubi domnus Odilo abba preesse videtur, pro remedio anime fratris mei Bernardi: est autem mansus Crosiaco; terminat ad me terra Sancti Vencentii, muro manufacto et via publica, ad medio die terra Sancti Vencentii et muro manufacto et ad sero aqua volvenda. Et farinarium unum; terminat a cercio terra Sancti Vincencii. Et in alio loco, villa Lornando, vinea una quam Bernardus conquisivit de alio Bernardo Burdino. Sig. Vuille[l]mi et fratris ejus Gauzeranni; S. Blismoni, qui fieri et firmare rogaverunt. S. Drodoni. S. Eldini. S. Bernardi. S. Vuidberti. S. Gauzfredi. S. Bernardi. Data per manus Sigbaldi levitæ, a regnante Rodberto rege anno VIII.
(Au dos:) Vuillelmus, Crosiaco.