Charta qua Hugo dat monasterio Cluniacensi res suas in villa Civignono.
Christi misericordissima passione redemptis expedit ut scelerum suorum enormitatem, «donec dies est et lucifer oritur», summopere ex rebus propriis redimere studeant, providentes bona et animę suę salubria, quia: «redemptio animę cujusque proprię sunt divitię.» Unde ego, in Dei nomine, Hugo, pro amore Dei omnipotentis, dono Deo et sanctis apostolis Petro et Paulo, ad locum Cluniacum, de rebus meis, in pago Augustudunensi, quicquid in villa Civignono habeo, scilicet in campis, pratis, silvis, vineis, aquis, aquarumque decursibus, quesitum et ad inquirendum, totum ad integrum; faciantque rectores loci Cluniensis in omnibus quicquid facerere (sic) voluerint. Actum Sesilias villa publice. S. Hugonis, qui fieri et firmare rogavit. S. Aremburgis. S. Wigonis, filii ejus. S. Rotberti. S. Gislardi. S. Tetardi. S. Duranni, item Duranni. Regnante Rotberto anno VIII.