Charta qua Gausbertus et uxor ejus Rotbergarda dant monasterio Cluniacensi boscum campumque et pratum in villa Corcellas.
Cunctis fieri notum volumus, quod ego Gausbertus et uxor mea Rotbergarda, donamus Deo et sanctis ejus apostolis Petro et Paulo,
ad locum Cluniacum, cui dunnus Odilo abba preesse videtur, in pago Maticensi, in villa Corcellas, unum boscum in Monte Sedulio, terminatum a mane terra Ornadi, a medio die aqua volvente Tolbaida, et a sero terra contalis; et campum in supradicta villa, ubi potest jactari dimidius sextariu[s] de annona, terminatum a mane et a medio die et a sero terra Wilelmi, et a cirtio terra Sancti Marcelli; et pratum unum in Lescherias, subtus Nigrum Gurgitem, terminatum a mane et a medio die, et a sero terra francorum, a cirtio terra Sanctę Marię et Sancti Filiberti. Actum in villa Arpaiaco. S. Gausberti et Rotgardę, uxoris ejus, et Christofori, filii eorum, qui fieri et firmare rogaverunt. S. Alberti. S. Duranni. S. Bertardi. S. Constantii. S. Arenberti. Data per manus Sigbaldi levitę, anno VIII regnante Rotberto rege.